Жэл оной ошохо бүри, буряад хэлэн дээрэ хөөрэлдэхэ зомнай үсөөн боложол байна гэжэ элеэр ойлгогдоно хаш даа. Бидэ "Улаалзай" сэсэрлигэй багшанар багашуулаа түрэл хэлэн дээрээ һургаха гэжэ оршон байдал байгуулагдаһанбди. Мүнөө манай урда буряад хэлэеэ яажа хадагалахамнайб гэжэ ехэл түсэб гараба. Сентябриин эхеэр сэсэрлигтэмнай Буряад Уласай Толгойлогшо, Алексей Самбуевич Цыденов хүрэжэ ерэбэ. Ухибууднай "Улаалзай" гэһэн дуугаар айлшадаа угтаба, буряад хэлэн дээрэ зарядка булта айлшадтаяа үнгэргөөбди. Наталья Сергеевна Доржиева, сэсэрлигэймнай даагша, яагаад түрэл хэлэеэ ухибуудтэ заанабди, ямар мүрысөөнүүдтэ хабааданабди гэжэ ба мүн лэ асуудалнуудтай Толгойлогшодо хандаба.